"YULDUZLI TUNLAR" ASARINI O'QIB…

Atoqli adibimiz Pirimqul Qodirovning “Yulduzli tunlar” asari buyuk ajdodimiz  Bobur mirzo hayotini o‘rganish, uning jasorati va matonatidan o‘rnak olish uchun eng  muhim manbalardan biri bo‘lib xizmat qiladi. Bu asarni o‘qigan har bir insonning Boburga bo‘lgan hurmati yana bir karra ortib, uning mardligiga, nafaqat shohlar, balki koplab boshqa insonlarda ham topish mushkul bo‘lgan pok qalb egasi ekanligiga amin bo‘ladi. Shu jumladan, men ham bu asarni o‘qigunimga qadar Boburni faqat tariximizda qolgan boshqa podshohlar kabi oddiy bir shoh, shoirlar kabi bir ijodkor sifatida bilar edim.