INSON XO'JALIK FAOLIYATINING RIVOJLANISHI VA HUDUDLARDA TABIIY RESURSLARDAN FOYDALANISHNING KUCHAYISHI

Inson hayoti mobaynida o‘z ehtiyojlari uchun zarur bo‘lgan moddiy neʼmatlarning barchasini tabiatdan oladi, yaʼni u tabiat bilan maʼlum darajada munosabatda o‘zaro taʼsirda bo‘ladi. Tabiat bilan jamiyat o‘rtasidagi o‘zaro taʼsirni tarixiy jihatdan o‘rganish ularning mazmunini to‘g‘ri tushunishga va kelajakdagi o‘zgarishlarni aniqroq, bashoratlashga imkon beradi. Tarixiy manbalarga ko‘ra, ular o‘rtasidagi o‘zaro taʼsir qariyb 3,5 mln yildan beri davom etib kelmoqda.